Нэтворкінг (Networking) - гэта стварэнне вакол сябе сеткі сацыяльных сувязяў і кантактаў.
Мы збіраемся у пэўны час ў адным месцы, каб арганізавана перазнаёміцца. Ёсць чатыры туры. Кожны тур вы размаўляеце з двума ці трыма новымі людзьмі. Каб было пра што пагаварыць, вы атрымоўваеце па тры цікавыя пытанні і адказваеце на іх па чарзе. Адзін з вас сочыць за часам. Паралельна вы пішыце адзін аднаму ананімныя цыдулкі з фідбэкам і і кампліментамі, якія пакідаеце у паштовую скрынку на сваім стале. У канцы сустрэчы скрынкі ўскрываюцца і вы атрымоўваеце сваю пошту.
🗣 Камунікацыя на асабістыя тэмы ў вузкім коле суразмоўцаў (2-4 чалавекі). Будуць пытанні кшталту “Ці могуць мужчыны і жанчыны быць сябрамі?”, “Якая была апошняя рэч, якую вы набылі для некага іншага? Чаму вы яе купілі?”, “Калі б вы даведаліся, што ў вас застаўся адзін дзень жыцця, якія тры рэчы вы б захацелі зрабіць?”
⌛️ Разнастайныя суразмоўцы дзякуючы некалькім ратацыям (праз пэўны час малыя групы фармуюцца наноў). Так вы не засумуеце і пазнаёміцеся з большай колькасцю людзей.
❤️ Зваротная сувязь у выглядзе ананімных цыдулак (запісак) ад вашых суразмоўцаў пра тое, як яны успрынялі вас і інш. На кожным стале будуць стаяць паштовыя скрыні для гэтага ;)
Галоўная мэта клуба: стварэнне новых сацыяльных сувязяў і даверу паміж беларускамі, а таксама умацаванне існых кантактаў. Мы вырашаем праблему атамізацыі беларускага грамадства і асіміляцыі/растварэння беларускай дыяспары.
Важна памятаць, што мы не суполка вывучэння беларускай мовы, таму мы робім практыкаванняў, не даем граматыкі і лексікі, а таксама не выпраўляем удзельнікаў, калі яны дапускаюць памылкі. Мы не хочам ствараць атмасферу школы альбо курсаў. Для гэтага ёсць іншыя ініцыятывы і мы пазітыўна ставімся да іх.
Мы тэстуем розныя метады стварэння гарызатальных суполак і абіраем тыя, што дазваляюць ствараць суполкі хутка і якасна. Такія суполкі сама-падтрымоўваюцца і развіваюцца далей, нават калі клуб ў гэтым месцы спыніць сваю дзейнасць.